Navigation - link to other main sections from here

Skip Navigation

FR
  • Tafsut 2012 di Tizi
  • vaste manipulation des résultats qui (...)
  • La Kabylie était présente aux célébration
  • Glissement de terrain à Illilten : (...)
  • Moussa Touati à Tizi-Ouzou : « Les (...)
  • Illoula-Oumalou : les lycéens rendent
  • Cevital : la grève de la faim se (...)
  • Le Président du MAK se recueille à (...)
  • Abderrahmane Bouguermouh a Euronews
  • Deux étudiants poignardés
  • Kabylie, législatives du 10 Mai (...)
  • Pour que personne n’oublie !
  • Rencontre avec l’écrivain Zira Ath (...)
  • François Hollande devance Nicolas (...)
  • Boycott et sanctions économiques
  • La montée du Front national inquiète (...)
  • Abdelkader Merbah à Tizi-Ouzou : « (...)
  • Tous en enfer !
  • Mustapha Mazouzi(ANR) à la maison de (...)
  • Zimu en concert à Paris
  • Une formation sur la CPI
  • Les législatives algériennes seront-elles
  • Lettre d’un jeune kabyle au premier (...)
  • Peuple kabyle, l’heure est venue de (...)
  • Le chanteur Kabyle TAKFARINAS (...)
  • Compte-rendu de la visite diplomatique
  • Le MAK-Suisse présent au Forum (...)
  • "L’Autonomie de la Kabylie est une (...)
  • Communiqué sur la Situation des (...)
  • Rassemblement du 22 avril à Montréal
  • Les Kabyles ; Un Peuple Doit-il (...)
  • NORDINE AÏT HAMOUDA ÉCRIT À AHMED (...)
  • L’Europe et les « printemps arabes (...)
  • Abderrahmane Bouguermouh à propos du (...)
  • Que nous réservent les législatives (...)
  • Débat contradictoire MAK_RCD_FFS sur (...)
  • Le chanteur Kabyle Amirouche appelle au
  • L’indépendance de l’Azawad proclamée
  • Conférence Boualem Sansal, partie 2 (...)
  • Après les négociations et la campagne (...)
  • Interview exclusive de Boualeme (...)
  • Pour M. Amar Bouacha "Dieu ne parle (...)
  • "Le MNLA est la seule autorité (...)
  • Droit de réponse du MNLA à El Watan
  • La Fraude transparente, le MAK (...)
  • Lila Hadj Arab réapprend à agiter le (...)
  • La revanche des peuples sur l’Histoire
  • La priorité politique absolue est le (...)
  • Opération de distribution de sièges (...)
  • Félicitations de l’Anavad à M. François
  • La Kabylie est décidée d’en découdre (...)
EN
  • ENDING A HISTORICAL MISUNDERSTANDING
  • Protests spread to several villages (...)
  • Letter to Hillary Rodham Clinton, (...)
  • Letter to Obama from an American-Amazigh
  • Open letter of the Provisional (...)
DE
  • Was bleibt vom Berberfrühling ? (...)
  • Anerkennung des Landes Azawad
  • Berberfrühling 2012 in München
  • Deutsch-Kabylische Freundschaft
  • Boualem Sansal sinniert über (...)
  • Stell dir vor es ist Krieg und (...)
  • Berberfrühling : Vortrag von Dr (...)
  • "Arabellion" am Abgrund
  • Berberfrühling 2012 in Marokko

Edition fr
TITRES :

Tamurt, Izwawen akked tutlayin-nsen : tidet X 4

Ḥekkun-d at zik, qqaren-d dakken lɛar meqqren n Uzwaw mi ara yunag, ad iruḥ ad yeǧǧ at uxxam-is, at taddart-is …s yiwen n wawal : widak-is.Yewwi-d ahat ad nebdu ad d-nessegzi anamek n wawal “lɛar”. Meɛlum, am wawalen akkit n teqbaylit, “lɛar” ila ahat inumak gten. Maca anamek i nra ad as-nefk da, deg umagrad-a, d win i-t-yezdin ɤer wawal-nniḍen : taqbaylit. Awal-a “taqbaylit”, am “lɛar”, ila krad n yinumak igejdanen. Amezwaru, d tameṭṭut n Tmurt (n Yiqbayliyen) ; win sin d tutlayt n Yiqbayliyen ; aneggaru d anagraw n wazalen swayes tleḥḥu tmetti taqbaylit zik-nni, deg yiwet n tallit akken.

12/03/2010 - 19:30 mis a jour le 24/03/2010 - 19:26 par Warisem

        

Anamek n wawal “lɛar” yemgarad d win n wawal “taqbaylit” (deg unamek wis krad). Deg tmeslayt n yallas, mi ara d-yini yiwen kra niɤ iga-t, neqqar : “Leflani (Leflantiyya) y(t)eǧǧa-d lɛar !” niɤ “Leflani (Leflantiyya) y(t)eǧǧa-d taqbaylit” ; mehsub win igan ayen ur nelli deg unagraw   n wazalen n teqbaylit, yettusemma d lɛar. Deg lemtul-nneɤ, neqqar : “Anda tewweḍ teqbaylit n yimezwura, ad yaweḍ lɛar n yineggura.”. Deg umyuzzem n yimussnawen, tella daɤen temgirda-ya gar sin n wawalen-a, “lɛar” akked “teqbaylit”. Ḥekkun-d ɤef wasmi i yennuɤ Ccix Muḥend Ulḥusin akked Ccix Aḥeddad deg uxxam-is, deg Sedduq. Deg lawan-nni, yuɤ lḥal Ccix Aḥeddad, ameqqran n temɛemrin tiraḥmaniyin, d amɤar, d aciban ; ccix Muḥend, netta, mazal-it d ilemẓi, maca   yebda yisem-is yettwabdar deg Tmurt n wadda*. Mi mlalen, mmeslayen, awal yewwi-d wayeḍ, ameslay yuli, dɤa myuzzamen. Taggara, wa yedɛa i wayeḍ s yir lfal. Ccix Aḥeddad yenna-yas : “Ruḥ a Muḥend, ad k-ineɤ Rebbi d amengur !” ; ccix Muḥend (ur nelli werɛad d ccix imiren), yenna-yas : “ Ruḥ, ad k-ineɤ Rebbi d aɤrib, axxam-ik d axrib !” Anamek n ddɛawi-ya, yiwet ; d yir lfal i deg-sent i snat. Ulac ayen yugaren (y)ir annect n win yemmuten d amengur : ulac win yesseftin ccetla-s akked lasel. Annect-a aḥat mačči deg ufus n umdan i yella. Seg tama-nniḍen, ulac ayen yugaren lɛar (mačči yir) annect n win ara yemmten d aɤrib ; meḥsub ad yenṭel gar yiberraniyen ; mi as-yenna AXXAM-IK D AXRIB, ibudd-as nnger.

Truḥ-aɤ nufa-tt ! Nniɤ-d ihi lɛar yemgarad akked teqbaylit. Gar wayen ur nelli “d taqbaylit” – meḥsub d lɛar – yella yinig, tella lɤerba, tella lmut di lɤerba akked tenṭelt gar wiyaḍ, gar yiberraniyen. Bedreɤ-d daɤen lemtel : “Anda tewweḍ teqbaylit n yimezwura, ad yaweḍ lɛar n yineggura.” Cukkeɤ aql-aneɤ dinna swaswa !

D tidet, timetti   n Tmurt n Yizwawen, am tmettiyin akkit n umaḍal  , tbeddel deg yal aḥric : tadamsa, idles  , tasertit, … ; seg tama-nniḍen, anagraw n wazalen swayes tleḥḥu Tmurt zik d wid swayes tleḥḥu ass-a ur mwatan, ur ɛdilen. Dɤa, ur ẓriɤ ara ma yella kra n wazal i d-yeqqimen ass-a ?!

Iseggasen-a ineggura yettban-d yinig niɤ lɤerba d “tigawt   n teqbaylit”. Dɤa, win ur nunag ara ɤer tmura n Lurup, niɤ ɤer tid n Marikan ur yettusemma ara … d amdan ! Nniɤ-d : “D amdan”, mačči kan d argaz, acku   ula d tilawin tura ttunagent. Syin ɤur-s, wid ur nri, ur nuksan niɤ ur nezmir ad unagen, ḥesben-ten “yimnigen” d “les indigenes” niɤ, ugar, d lmal n udaynin niɤ, ugar, d lmal n teẓgi. Imawlan ur nezmir ara, niɤ ur nuksan ara ad unagen, dɤa ttrebbin-d arraw-nsen “ i l’exportation”.. Amek ? Selmaden i warraw-nsen, mi d-lulen, akken d ileqqaqen, akken d imeẓyanen, “tafɤansist” ; surfet-iyi : le français (yiwen n ccix n le français yewhem amek i as-qqaren s teqbaylit i le français, tafransist ! …mst  ).

D acu i d-yeqqimen di Tmurt n Yiqbayliyen ass-a ? Aṭas n lesnaf i yellan. Llan, tamezwarut, wid yettidiren di tmura n Umalu, tuget di Fransa akked Montréal. Gar-asen, aṭas aṭas i yessnen ad mmeslayen yes-s, i icennun yes-s, i iceṭṭḥen yes-s, d aya ! wi, ur zmiren, ur ssinen, ur stufan ad slemden i warraw-nsen taqbaylit niɤ ad asen-sisnen Tamurt. Dɤa, taggara-yi yennulfa-d kra n umawal yessewhamen « les indigènes » i daɤ-yecban Nekni s at Tmurt. Tamurt, semman-as “le pays de mes parents, … de mon père, … de ma mère” ; awalen-nniḍen « Les Berbères de France », « les Berbères de Montréal » ; awal-nniḍen : « Je suis d’origine berbère … [et à destination …inconnue !?] » Gar wi, llan kra n yicennayen, n yimussnawen, … n yiyennaten i d-yettawin yes-neɤ lweqt : la ttnaɤen zeɛma ɤef teqbaylit (ɤef tmaziɤt), la qqaren i wiyaḍ lemdet niɤ slemdet taqbaylit (tamaziɤt) i warraw-nwen (t), nutni ur zmiren ara ad tt-slemden i warraw-nsen nutni ! D lewhayem ! Dɤa, llan kra texleḍ-asen yakk, ur ẓrin ara d acu-ten : ur d Imaziɤen, ur d Ifransisen ! D acu kan ḥemmlen ad gen timeɤriwin yal ddurt di “Le cabaret sauvage”, ad cnun, ad ceḍḥen alamma tqeṭṭirin d tidiwin. Ḥemmlen daɤen ad mmeslayen s le français ɤef Tmurt, ɤef teqbaylit .. Zun akken taqbaylit, am tlaṭinit, d tutlayt yemmuten. Γilen d tutlayt taqbaylit ur nezmir ara ad d-tini tiɤawsiwin yellan ass-a, di Fransa, deg umaḍal, ur d-rrin lexber belli mačči d nutni ur tt-nessin ara …

Imezdaɤ n Tmurt daɤen gten mačči d kra. Llan wid yeɤran taɛrabt ; llan wid yeɤran s tefransist ; llan ula d wid yeɤran taglizit ɤas apipri. Ad tleḥḥuḍ deg yizenqan n temdinin n Tmurt, am Tizi Wezzu niɤ Bgayet  , ad tafeḍ ɤef yiɤerban uran s taɛrabt, s tafransist, s tagnizit … anagar   taqbaylit (niɤ : tamaziɤt ?) ay ulac ! D lewhayem ! Ikabaren (iwumi semman) “n Yiqbayliyen” sufuɤen-d alɤuten-nsen s tefransist, deg yigrawen ttmeslayen s tefransist. Tiyemmatin, akken ad d-seknent iman-nsent belli “xrant” zeɛma, ttmeslayent gar-asent, ttmeslayent i warraw-nsent s tefransist, surfet-i : s le français. Deg wallaɤen n tuget n yimezdaɤ n Tmurt, taqbaylit (tamaziɤt) mačči d tutlayt i yuklalen ad naru yes-s, telha kan i tmeslayt deg yidurar, deg tudrin (mačči deg temdinin, ala !), i ccna, i usefru, i rregmat, i usuɤu deg yiberdan, …

Tawaɤit n Yimaziɤen s umata tezga d yiwet, seg wasmi d-tlul yemma-s n ddunit. Yal tallit ad d-afen kra n tutlayt i ɤilen tif tin-nsen ; tutlayin-a deg umezruy  -nsent gtent : taregrigit, talaṭinit, taɛrabt, tafransist, … Deg tallit-a, d tafransist akked d taɛrabt i yernan tamaziɤt, niɤ swayes i tt-kkaten Yimaziɤen, i tt-ɤebbun.. Zgan ttnaɤen ɤef tutlayin, ɤef yidelsan.ur nelli d ayla-nsen,la snernayen deg-sent yallas. Γilen, ttɤilen …

Ugur ameqqran n Yimaziɤen ihi d aɤili, niɤ akken qqaren s teqbaylit : d nnwaya, d laman ! Werǧin umnen s yiman-nsen, s tgemmi  -nsen, s waylay-nsen, s tutlayt-nsen. Wissen ma ad nwun kra n wass belli ula d taqbaylit (tamaziɤt) qqaren-tt medden ? Wissen ma ad d-yaweḍ wass ad gen tamgirda gar tutlayt-nsen akked d tutlayin n wiyaḍ ? Wissen … belli zemren ad mmeslayen yes-s deg temdinin s nnefxa, niɤ xersum melba leḥya, melba akukru ? Wissen … belli zemren ad tt-arun, ad gen yes-s tasertit, tasreḍt (ddin), tussniwin, … Wissen ma ad yili wissen ?

WARISEM

Version imprimable de cet article Version imprimable | envoyer l'article par mail envoyer par mail | Enregistrer au format PDF

A lire aussi sur Tamurt 

✦ Timuzzeɤt tugar taɛrabt-tineslemt (amur amezwaru)
✦ Timuzzeɤt tugar taɛrabt-tineslemt (amur wis 2)

Commenter cet article

14 Messages de forum


  • Tamurt, Izwawen akked tutlayin-nsen : tidet X 4 23 mars 2010 20:12, par Warisem
            

    * ttuɣ ur d-nniɣ : TAMURT W-wadda, d ayen iwumi qqaren Yifransisen "La Grande Kabylie" ; " La Petite Kabylie", s teqbaylit qqaren-as Tamurt Ufella. Lḥasun akka i yella deg udlis Yenna-yas Ccic Muḥend n M. Mammeri. Yenna-d Dda Lmulud deg udlis-a-ines, mi ara d-iruḥ Ccix Muḥend seg Taqqa (Micli) ɣer Sedduq, anda yezdeɣ Ccic Aḥeddad, yeqqar-as ad ruḥeɣ ɣer TMURT UFELLA.

    Répondre à ce commentaire

    • Tamurt, Izwawen akked tutlayin-nsen : tidet X 4 23 mars 2010 21:40, par Azawaw B.
              

      Azul   ; Ayen i d-tenid’ akka d-tidet, d-ayen yellan, atàs n Leqvayel yesàan "tamhèqranit" n tutlayt-nnsen amzun ur uminen ara yess.Lan kra l-leqvayel d-imrefhen werdjin ughan negh ghran adlis n teqvaylit di tudert nnsen ! D-lewhayem akken i d-tennid .Tefkid-ed amedya   n tira s tqevaylit ghef thùna, leqhawi, ifurgunen n umesni anida d-taàrabt d-tefransist i yétfen tasga,yerna zaàma "tamazight d tutlayt taghelnawt" di tmendawt   . D-acu ara ad agadèn ma uran s teqvaylit ?Acugher néhqer tutlayt nnegh ? Anect-a mérra yekkat si lqella n tmusmi deg idles   di tmetti   nnegh.Aswir   adelsan n leqvayel s umata issùb s watàs. Ernu gher waya imdébren n Tghiwanin n Tmurt n Leqvayel ur d-cghilen s-wanect-a, yerna d-lwadjeb fell-asen ! Ula d-wigi aswir nnsen adelsan ixus nezzah maççi kra !. A lwexdà isàren ! D-taqsit -nni n Lfil n Slimane Azem, nrùh ad nawi tamazight seddan as -ed tinutàd’in, d-isekkilen n taàravt,a buh ! a lmumnin !

      Répondre à ce commentaire

      • Tamurt, Izwawen akked tutlayin-nsen : tidet X 4 23 mars 2010 21:58, par Izem
                

        et Pourtant qqaren-d Leqbayel-agi : Ils sont intelligents, sɛan les intellectuels, etc. Mi ara sen-isell yiwen amek ttcekkiren iman-nsen, ad tɣileḍ d Nutni i yulin s aggur ....Nutni -mebla Rebbi ! - ma swan tibselt yerkan !

        Répondre à ce commentaire

        • Tamurt, Izwawen akked tutlayin-nsen : tidet X 4 24 mars 2010 18:15, par muḥend
                  

          aggagen  -nneγ γran Tafransist, γran Taεrabt, armi ḥeqren tameslayt-nsen, a wi d-yerran Areẓqi Lvacir d Ḥmed Umeri, a d-ssekren tagrawla   tis-snat, nefka laman i yimeqranen-nneγ, nεudd γran ẓewren, a d-cefεen Taqbaylit, ziγen nutni ttkemmilen deg wayen i d-yeqqimen,

          Répondre à ce commentaire

          • Tamurt, Izwawen akked tutlayin-nsen : tidet X 4 25 mars 2010 16:04, par muḥend
                    

            am akken i s-yenna Lwennas : d atmaten-nneγ i γ-d-ittawin, icuhar n targin akk d Taεrabt ar tudrin. deg unebdu-nni yezrin, tanemhalt uγerbaz amenzu teqbel skuṭ mizulman i d-yusan di kaliṭus, i wakken ad sεeddin imuras-nsen dinna, učči d yiḍes, d nettat i sen-isewwayen, deg uγerbaz i d-yezgan di tlemmast n taddart, iḍ d wass nutni d tameγra : s leqran d naccid, s-iεeggiḍen-nni akk, at taddart ruḥen neddren-tt, nnan-as ur nebγa ara, a d-nsel i yissuγan-nsen s nnig 11t. nettat teqqar, anaγ d tineslemt i wen-d-wwin mačči d ayen nniḍen. tella ur tetteg ara lḥiğab, asmi ruḥen skuṭ-nni tuγal s lḥiğab.

            tis-snat, llant tεewiqqin ur n-laq ara ad ilint gar-aneγ, yiwen ar γur-nneγ, ixḍeb-d i mmi-s di yiwet n taddart di temnaṭ Ifiγa, inced-iyi-d, ddiγ ar terbut"tissulya" mi newweḍ ar din, ziγen d taddart i yesεan ccix d Aεrab, wwin-t-id i wakken a d-yefk ddaεwa lxir, am akken akk tgent tuddar zik, yernu ad sbedden ass n tiddin, mi d-yebda awal, nekkni yellan din newhem akk, am akken i s-yenna Muḥya : yuqa lenwar di lexla, alarmi i d-megreγ tiεfert, ayen isehlen yerra-t yewεer, iḍewlan-nni i sin qqaren-as nekkni dayen nefra-tt waygar-aneγ, dayen nemsefham, netta iqqarasen d ccraε a d-inim d acu i d ccuruṭ n baba-as, s wacḥal i tettuwnefk teqcict-agi, cwi kan yella din yiwen d alğerwa yenna-yas akka ixeddmen da a ccix," wissen kan ccix-nni d acu uxemmem i yesεa fell-aγ ?)

            Répondre à ce commentaire

  • Tamurt, Izwawen akked tutlayin-nsen : tidet X 4 27 mars 2010 22:39, par Tanzayt
            

    Azul  ,

    Ayen turidh yelha, zemregh ad innigh yet3edda. Maca   tamughli-inek txus. Lemer i d-meslayedh daghen ghef imazighen yettidiren di wehran, di 3enaba axir, imi wid yettidiren di tmura tiberaniyin ssnen lqima n tutlat-nnsen tayemmat akken i ttnaghen fell-as bghan ad tidir zdat n tutlayin timeqqranin ur ttsedh’in ara yes. Maççi am iminigen   n h’anun zanun, ttun akk anwaten. ma yella ixus-iten zzit uzemmur atan mektan-d negh dayen bq3laxir ay Aqbu.

    Tanzayt

    Répondre à ce commentaire

    • Tamurt, Izwawen akked tutlayin-nsen : tidet X 4 28 mars 2010 17:13, par Warisem
              

      Leqbayel n Wehran, a Tanzaytj, ifen ula d Leqbayel n Tmurt n Leqbayel ...Ur ẓriɣ ma tesliḍ s tidukkla (tadelsant) NUMIDYA, ma tessneḍ-t ... Ayen txeddem tidukkla-ya GAR Waɛraben ! ...werǧin xedmen-t Leqbayel ...Ihi ur ttfalṭay ara a Tanzayt !!!!

      Répondre à ce commentaire

      • Tamurt, Izwawen akked tutlayin-nsen : tidet X 4 29 mars 2010 13:03, par Tanzayt
                

        Azul  ,

        Tidukla Numidia n Wehran ssnegh-tt heureusement tella. Maca   ini-yi-d ach’al n yinelmaden i yeghran tamazight deg ugherbaz ?

        Zrigh d akken llan sin n yiselmaden n tmazight deg uassegas n 95 di wehran. Ini-yi-d ach’al n leqbayel n wehran i yefkkan arraw-nnsen ad ghren tamazight ??? Ini-yi-d ma yella mazal tettuselmed Tmazight deg ugherbaz awehrani ???? Mi llan iselmaden-nni ttnaghen iman-nnsen. Anda tellim imir-nni ??? Leqbayel n wehran i ur yettun ara lasel-nnsen d takkemict n tzizwa heureusement : wid yeseddayen Numidia, Kamel Nait Zerad, Habib Allah Mansouri, d wiyadh...)

        Sans rancune ayen d-nnigh c’est une réalités ghas iqerh’-ik lh’al.

        Tanzayt

        Répondre à ce commentaire

  • Tamurt, Izwawen akked tutlayin-nsen : tidet X 4 30 mars 2010 21:42, par Ubizar
            

    Anaẓur (Artiste) Ubizar

    Azul   fell-awen aken tella-m

    Asefru tiɣilt (la colline)

    Ihi Ilaq anɣiwel ------------ lḥal iţazzal iruḥ D-acu teţraǧum a nemsawel------------------ im-ibda iţefeɣ rruḥ Anker a nɣarbel a neftel -------------------- ger umeqran d-umecṭuḥ A naεqel axabit d lefḥel ------------------- d wid yefren defir lluḥ Imi ṣwab d-amkwḥel -------------------- yal tizi s-idamen teţfuḥ

    Γiwlet zzit-d i tudrin -------------------- meskud ur tẓerben s srades (lεaskaṛ) ţaɣen irgazen tilawin ---------------- Deg xxamen tekker tmest Igrawen wa deffir wa ara ɣellin -------------- taddart teqim weḥdes Wid t-tizedɣen ar aţnejlin -------------------yal tizi ar s-tkarres Idurar asenikub kadin ------------------- Tacmaţ a ten-t-sxnunes

    Vite vite les portes de l’histoire bientôt fermées .

    Répondre à ce commentaire

  • Tamurt, Izwawen akked tutlayin-nsen : tidet X 4 1er avril 2010 18:58, par Warisem
            

    Ass-a yekcem yebrir ; gar-aneɣ d kra n wussan, ad d-yaweḍ 20 YEBRIR ...Seg wass-a, ad d-bdun iberriqen ad d-teffɣen, ad d-mmektin tamaziɣt-nni, taqbaylit-nni ... Ad twaliḍ imdanen, tidukkliwin, ikabaren, imussuten  , ... ad ten-tafeḍ tekker akkit seg-sen, sewjaden-d les marches, les conférences, les expositions, ... ad iɛeddi wass-nni, ad uɣalen s iḍes, ur d-ttakin ara alamma yezzi-d useggas-nniḍen ...

    Nekki, mi ara yekcem yebrir, jebbdeɣ aɣummu, ḥemmleɣ ad ṭṭseɣ alamma iɛedda 20 deg yebrir, alamma qqlen yiberriqen s akal, s iḍes...

    Ay kerheɣ iberriqen, abeɛda wid n 20 deg yebrir !!!!

    Répondre à ce commentaire