Navigation - link to other main sections from here

Skip Navigation

FR
  • Nina Wallet Intalou, la pasionaria (...)
  • Deux étudiants poignardés
  • Après les négociations et la campagne (...)
  • Le Président du MAK se recueille à (...)
  • Marche du MAK du 20 Avril 2011 à (...)
  • Droit de réponse du MNLA à El Watan
  • Lettre d’un jeune kabyle au premier (...)
  • Marche du 20 Avril 2012 à Tizi-Ouzou
  • L’Europe et les « printemps arabes (...)
  • Communiqué sur la Situation des (...)
  • Rassemblement du 22 avril à Montréal
  • Débat contradictoire MAK_RCD_FFS sur (...)
  • Les Kabyles ; Un Peuple Doit-il (...)
  • "L’Autonomie de la Kabylie est une (...)
  • 3/9 - Conférence de Mr Ferhat Mehenni à
  • Glissement de terrain à Illilten : (...)
  • "Le MNLA est la seule autorité (...)
  • Boycott et sanctions économiques
  • Moussa Touati à Tizi-Ouzou : « Les (...)
  • Compte-rendu de la visite diplomatique
  • Une formation sur la CPI
  • Que nous réservent les législatives (...)
  • La Kabylie était présente aux célébration
  • La priorité politique absolue est le (...)
  • Abderrahmane Bouguermouh a Euronews
  • Les ressources humaines, une garantie
  • Pour M. Amar Bouacha "Dieu ne parle (...)
  • Conférence Boualem Sansal, partie 2 (...)
  • La revanche des peuples sur l’Histoire
  • La Kabylie est décidée d’en découdre (...)
  • Le 20 Avril 1980 (Images & (...)
  • Abdelkader Merbah à Tizi-Ouzou : « (...)
  • Tous en enfer !
  • La Fraude transparente, le MAK (...)
  • vaste manipulation des résultats qui (...)
  • Le chanteur Kabyle TAKFARINAS (...)
  • Abderrahmane Bouguermouh à propos du (...)
  • La montée du Front national inquiète (...)
  • Lila Hadj Arab réapprend à agiter le (...)
  • François Hollande devance Nicolas (...)
  • Le MAK-Suisse présent au Forum (...)
  • Zimu en concert à Paris
  • Kabylie, législatives du 10 Mai (...)
  • Tafsut 2012 di Tizi
  • Le chanteur Kabyle Amirouche appelle au
  • NORDINE AÏT HAMOUDA ÉCRIT À AHMED (...)
  • Mustapha Mazouzi(ANR) à la maison de (...)
  • Félicitations de l’Anavad à M. François
  • Rencontre avec l’écrivain Zira Ath (...)
  • Les législatives algériennes seront-elles
  • Cevital : la grève de la faim se (...)
  • Interview exclusive de Boualeme (...)
  • Opération de distribution de sièges (...)
  • Illoula-Oumalou : les lycéens rendent
EN
  • Letter for Obama from an American-Amazig
  • ENDING A HISTORICAL MISUNDERSTANDING
  • Letter to Hillary Rodham Clinton, (...)
  • Protests spread to several villages (...)
  • Open letter of the Provisional (...)
DE
  • Was bleibt vom Berberfrühling ? (...)
  • Berberfrühling : Vortrag von Dr (...)
  • Berberfrühling 2012 in Marokko
  • Stell dir vor es ist Krieg und (...)
  • "Arabellion" am Abgrund
  • Deutsch-Kabylische Freundschaft
  • Berberfrühling 2012 in München
  • Anerkennung des Landes Azawad
  • Boualem Sansal sinniert über (...)

Edition fr
TITRES :

Awal n iminigen i tesdawit unebdu n MAK

26/07/2010 - 04:41 mis a jour le 26/07/2010 - 12:21 par Akli Azwaw

        

I Tarwa n tmurt-nneɣ yemlalen di tesdawit n unebdu di tmurt-nneɣ !

Tiɣri-nwen atan tewweḍ-d ɣur-neɣ nekni s imingen.
S umahil  -nwen, s wecraw n tidi-nwen ɣef tlelli-nneɣ, ɣef izerfan n wemdan atan nerfed iqurrayen-nneɣ gar tmura. Nenna ula d nekni d aɣref   i nella am iɣerfan nniḍen.

Ihi amahil-nneɣ iswi-ines d asiweḍ ɣer uqaḍer n idles  -nneɣ akkd tutlayt-nneɣ. Iswi-nneɣ d asiweḍ ɣer ussudes n tmurt-nneɣ s yiman-nneɣ.

Nesla-d i tiɣri-nwen, ayen i tennam yezga-d deg webrid n uqaḍer n izerfan n wemdan. Ula d nekni nuklal tilelli, ula d nekni nuklal tameddurt s talwit akkd tmusni. Tikli ɣef tlelli i weɣref-nneɣ ur tettili mgal   wa neɣ ta.

Yad i d-yemmeslayen dinna di tesdawit n unebdu s tutlayt-nneɣ Tazwawt (taqbaylit) sseknen-d belli ula d nekni ɣur-neɣ tutlayt yernu mačči d tutlayt kan i izemren i ccna akkd ccḍeḥ, maca   d tutlayt i izemren i umahil deg kra n yellan n weḥric n tmeddurt.

Tutlayt-nneɣ Tazwawt d nettat kan i d tigejdit i ɣef ara ad tbedd tmanit n tmurt-nneɣ. Tutlayt-nneɣ d nettat i d tafat yesserwalen tallast !

Version imprimable de cet article Version imprimable | envoyer l'article par mail envoyer par mail | Enregistrer au format PDF

Commenter cet article

16 Messages de forum


  • Awal n iminigen i tseddawit unebdu n MAK 26 juillet 2010 12:10, par Sɛid
            

    kečč meqqar atan tegziḍ kra yellan a dda´ Akli, acku   tessneḍ taqbaylit u teγriḍ daγen. Nekk gziγ-ten akk widak-nni d-yemmeslayen s tagi-nneγ tazwara umeslay, akken d as-rwin acekkar, ssulin-d tipyunin-nniḍen , dewren-tt γer ddin yemma-s n trumit, teḍra yid-i am win iwumi sdukklen aγesmar, medlen-as allen-is. Taγawsa tewweḍ bab-is !"Inna li walu, wa inna ilayhi rağiεun". Maca  , yessefk ad yili wannecten, ma ulac ulac anwa ad asen-yeslen, ad asen-inin medden wihin ur γrin ara, ihi γur-sen azref.

    Ahat a d-yaweḍ wass ideg ad aγ-xemmmen acemma yemdanen ula i nekkni s widen ur neγri ? Incallah !

    Répondre à ce commentaire

    • Awal n iminigen i tseddawit unebdu n MAK 26 juillet 2010 14:10, par Muyyud
              

      Nekk ad d‑iniɣ, ilaq d wid yesnen ara d‑yezwiren ad ttarun s tagi‑nneɣ,a cku ugar n yemdanen ttɛanaden kan imusnawen. Ihi ma yella imusnawen mazal‑iten ttmeslayen s tefṛansist, d timɣarin kan d wid ur neɣṛi am kečč a Sɛid i yettmeslayen s teqbaylit, ad tenger assen ara tɛeddim ɣef wemrar‑nni n ɛezṛayen :)

      nekk tezṛiḍ, ttmeslayeɣ taqbaylit, maca   m ara ttqessiṛeɣ d yemɣaren neɣ timɣaṛin, ur nettemsefham ara akken ilaq. ɣas ma sneɣ awalen n teqbaylit, maca ur ssineɣ ara amek tebna teqbaylit, amek ad iniɣ tiktiwin‑inu s teqbaylit. ma triḍ, ttmeslayeɣ tafṛansist s teqbaylit !

      amedya   : ma tenna‑yi‑d jida : "a Ymuyud, ṛuḥ ar tɣuṛfett, awi‑yi‑d sin iniɣman", ihi Ymuyud as‑d‑yawi 2 iniɣman... yerna ad yernu ad yewhem m ara as‑d‑tini "annaɣ ammi tcuḥeḍ fell‑i 2 kan iyi‑d‑tewwiḍ", as‑yini deg ul‑is " meskint jida ur tessin ara ad teḥseb, nesɛa zher nekkni i ṛuḥen ɣer uɣerbaz"

      tutlayt mačči d awalen‑is kan, taqbaylit ass‑a d awalen kan i d‑yeggran deg‑s, temmut ! wa temmut a Sɛiiiid

      Répondre à ce commentaire

    • Awal n iminigen i tseddawit unebdu n MAK 5 août 2010 08:32, par Akli Azwaw
              

      Tanemmirt a Essaid, a Brecht-nne& ! Yella yiwen ye&ra, netta am akken ur ye&ri. Yella wayed’ ur ne&ri, netta am akken ye&ra. Akli

      Répondre à ce commentaire

  • Awal n iminigen i tesdawit unebdu n MAK 26 juillet 2010 16:56, par Berkus Tiwal
            

    Azul   a dd’Akli, awal-ik yewweḍ-aɣ-d, nefreḥ yes-s nezzeh, yessebɣes-aɣ mačči d kra akken ad nkemmel amennuɣ-nneɣ ɣef timanit i tmurt n Yezwawen. Tanemmirt-ik Tutlayt-nneɣ, akken i ɣ-d-teqqareḍ yal tikkelt, yessefk fell-aɣ ad tt-nesseqdec, imi ma yella ur tt-nerfid ara nekkni anwa ihi ara tt-irefden ?!!!

    Ferḥeɣ daɣen imi yuɣalen Yeqbayliyen sseqdacen ula d ttawilat atraren s teqbaylit. Asegzawal n Mass Buεmara, yerna-yaɣ-d daɣen afud meqqren, yesken-d i wid werεad ur yuminen ara dakken taqbaylit tezmer i yiman-is, am nettat am tutlayin nniḍen. Tegra-d kan ihi deg-neɣ..

    Répondre à ce commentaire

  • Awal n iminigen i tesdawit unebdu n MAK 26 juillet 2010 22:33, par crif
            

    azul  . timeslayin am imdanen, kifkif-itent deg uzref. d tamesbatlit n yimdanen i yerwin ddunit ! akken yenna umusnaw : " tamaziɣt d yemma, mayella kksen-iyi yemma, d acu i d-yeqqimen"ss-a win iseqdacen tutlayt-is, iquder iman-is.

    Répondre à ce commentaire

    • Imdanen-agi nɣan tiyemattin-nsen s iffasen-nsen 1er août 2010 00:04, par amsebrid
              

      Atan sliɣ tameddit-agi i kra seg usarag  -agi di Radyu Numidya. A ziɣ tawaɣit n tefransist mačči almi d iɣes kan i tewweḍ, tečča ula d aḥric ameqran seg-s.

      Awah ! Ur walaɣ yella ula d ibziz n Tezwawt di tugget n wulawen n widak i d-yemmeslayen deg usarag-agi l. D TIKELLAX, D TIKERKAS kan. Ran Tafransist, d tutalyt-agi i yeččuren allaɣen-nsen ayen nniḍen ak d akellex.

      Yernu ula Kamal Bouamara ad t-id-sedduɣ deg tmeɛmaɛt-agi . Amek ! argaz-agi yuran s Tezwawt, i d-yessuqlen ɣer Tezwawt, yesselmaden tasekla n Tezwawt, i yuran asegzawal amezwaru s Tezwawt, yesluɣed timenna-ines s uzulix n Tefransist. Werǧin sliɣ i Alain Rey ( amsegzawal ɣer Robert) yudred awal n Teglizit deg di Radyu France Inter. Yernu A. Rey yessen Taglizit akken yessefk. Dacu ifransisen d imdanen ma d nukkni ur zriɣ dacu-yaɣ. Axir meqqar lemmer i d-yemmeslay s Tefranist akken meqqar ad iban ujaddir n yixef-is.

      Iqbayliyen ( widak yessnen, wammag widak nniḍen ualc fell-asen llum) ttewten s allaɣ. Brahim Tazaghart iruḥ ɣer Ɛiraq yeɣrad dinna yiwet temilit n tebrat s teɛrabt. Sinna yegga-yas-d tasuqilt .. s Taltinit tafuḥant ( latin vulgaire, tafransist) . Ur d as-d-tusa tikti deg wallaɣ ad t-id yaru s Teqbaylit . Yugad anda as-qqaren amadan-agi ur yeɣra ara. Neɣ Taqbaylit d tutlay n yeɣlal. Wamag d amyaru d amedyaz, yezmer lemmer i d as-yehwa Deg usarag i d-yegga di temlilit n At Samail yerwitt akk : yemeslayed s yiwen umaxlud ur iban d Taqbaylit ur iban d tafranist .

      Mačči d yiwen mačči sin ; Ferḥat Mhenni di tmiṭ n Tizi s Teransist , Said Sadi, Tassadit Yacine di Radyu tis nat, kamal tarwiḥt yesnulfad afranko-Kabyle n yeɣyal, Ait Hmed isemmeḥ d Teqbaylit

      Répondre à ce commentaire

      • Imdanen-agi nɣan tiyemattin-nsen s iffasen-nsen 6 août 2010 15:26, par kanatsaid@yahoo.fr
                

        azul   fell-awen,

        sliɣ i wawal-a mačči tikelt, mačči snat. Anwa awal ? " Acuɣer ur tettmeslayem ara s teqbaylit deg yisaragen-nwen ? Acuɣer ur tt-tesseqdacem ara ?"

        Yewwi-d ad nmeyyez cwiṭ, yewwi-d ad nẓẹr i wanwa ara t-id-nini useqsi yecban wa. Yiwen am nekki d wid akk i yi-icban, ma yella ur d-mmeslayeɣ ara s teqbaylit deg kra n wadeg, ḥsut mačči d tamusni ur tt-ssineɣ ara, neɣ d aɣunzu ay tt-ttɣunzuɣ,ulayɣer ahat ara d-awiɣ ttbut ... Dɣa tella tsebbiwt-nniḍen : yiwen am nekki, ur sendduyeɣ ara aman : ur kkateɣ ara ad d-segziɣ tamsalt n teqbaylit i wid i tt-yessnen yakan ...Widak-nni ssnen tamsalt-a, gzan-tt ...

        Ma mmeslayeɣ-d s tefransist deg usarag  -inu ɣef temsalt n teqbaylit, i wid-nniḍen i d-ttmeslayeɣ, i wid ur nefhim tamsalt, i wid ur nettmeslay taqbaylit, i wid ur tt-nesseqdac ara ula deg uxxam, neɣ deg ubrid...

        Amnet-iyi ara aṭas n Leqbayel i yellan, ama d wid yettidiren di Tmurt, ama d wid yettidiren anda-nniḍen...Ihi, yiwen am nekki i wid-a i d-ttmeslayeɣ ...s tefransist, akken xersum ur ttɣunzun ara taqbaylit.

        Tis snat : yella useqdec, yella useqdec. Lemmer d tameslayt n teqbaylit kan deg waqcu i d-negra, tili ur nekkat ara ssbeḥ meddi ad tt-naru, ad nseggem tira-ines, ad nemsefham amek ara tt-naru, ad d-neg idlisen ; akken ad nessegzi i Leqbayel belli ....d taqbaylit i tutlayt-nsen, mačči d tafransist, neɣ d taɛrabt ! I wid-a i ttmeslayeɣ s tefransist, mačči i kunwi ! Akken i as-yeqqar K. Yacine : Ttmeslayeɣ tafransist akken ad d-iniɣ i Yifransisen belli ur lliɣ ara d Afransis !

        Ihi deg leɛnaya-twen : ur senduyet ara aman ! Ur selmadet ara i umekraz (afellaḥ) amek ara yekez !

        Répondre à ce commentaire

        • Imdanen-agi nɣan tiyemattin-nsen s iffasen-nsen 17 août 2010 19:12, par amsebrid
                  

          Ula d azger mara yeffeɣ seg weḍref yeqqar-as umekraz xuri akk-in !

          Izgaren-agi s ababdar i ṭṭukuten. Ihi ad grirben kan nitni ulayɣer nedda yid-sen. Mačči d andaṛ ara ten-id-nedṛeɣ, yalwa aqqeruy-is di tcacict-is. Dacu kan widak akka i d-aɣ-yeqqaren tamaziɣt ur tezmir ara , neɣ tamaziɣt diri-tt (am akken i d-as-yenna yiwen uselmad n Tmaziɣt di Tizi-wezzu), neɣ ur yessefk ara ad nemeslay-yess deg isaragen  , neɣ ad tqim d tin nennig ukanun, neɣ di taddart kan telha ..ar tigra, tuget-nsen yess i ttidiren, neɣ sxedment akken ad awin imukan. Teḍra yid-sen am winna akenni yeččan seksu di tbaqit yuɣal yessams-itt..

          Lemmer Iqbayliyen d imdanen i yellan tili win yessamsen tutlayt-nsen ad as-gezmen awal . Muqelet kan akken tuɣal Teqbaylit di Berbere tv d Radyu tisnat d Tv Tamaziɣt. Dacu kan d win ara d-yemesslayen s tɣumit i wumi ttakken azal, ɣas ma yella d aɣyul. Yernu iɣyal-agi yesberbiren ɣilen msakit ad alin di ccan Uṛumi ; ttamnen taḍsa n wuglan  . Ur zrin ara d akken abiku ad yeqqim d abiku.

          Tamawat :

          Mačči d tiyta i d-wteɣ di Kamal Bouamara. Ur ṣawḍeɣ ara axeclaw deg wayen inuḍeḥ neɣ deg wayen yexdem i Tmaziɣt . Lukan mačči d netta d R. Alloua akk d werbaɛ i d-yeddan yid-sen tili tasga n Tmaziɣt di tesdawit n Bgayet   d at uɛebbuḍ ara tt-yeṭṭfen, yernu llan ( ssneɣ yiwen akken). Ihi ur d-seddiɣ di tirit-agi R. Allaoua d yemdukal-is di tririt-agi.

          Répondre à ce commentaire

    • Awal n iminigen i tesdawit unebdu n MAK 5 août 2010 08:44, par Akli Azwaw
              

      Awal-ik a gma Crif igerrez ! Tanemmirt s tussda ! Akli

      Répondre à ce commentaire

  • Awal n iminigen i tesdawit unebdu n MAK 26 juillet 2010 23:39, par Faouzi
            

    Azul  , Tanemmirt a Dda Akli, akken i d-yenna Sɛid kečč egziḍ tamsalt. Tamuɣli-ik temsed, ur teslif ara kan s ufella. Ma yella kra nebna yessefk ad yebnu ɣef temaziɣt tazwawt, acku   d nettat i d lssas. Ma yella nezggel lssas, ɣas tella tedsimant azekka, uggadeɣ s tefɣansist ara nettmeslay.

    Qqaren iṛumyen : Azal n tutlayt d azal sɛan wid d tid i tt-yettmeslayen !

    Tuget deg d waggagen  (intello)-agi nneɣ i yessnen kan azul d tanemmirt deg inawen-nsen, d tidet ur yelli d amadya ara yeḍfer yiwen, acku xas ɣur-sen timussniwin, maca   ṣṣeḥ ulac-it d ilem ; ulac lssas-nni iɣef d-ttmeslayeɣ ussawen.

    D acu kan llan waggagen iqbayliyen ara yeḍfer yiwen d amedya  . Ahat ur ugten ara maca llan, akk-a am kečč neɣ d Sɛid d wiyaḍ nniḍen i ilan tayri n tutlayt n tyematin-nsen deg wul, ur tt-neḥqir ara.

    Yak tikti d tikti, ma tesɛa azal tesɛa-t, mačči almi tenniḍ-tt-id kan s trumit neɣ taɛrabt ara tesɛu azal. Nekk win yicban aggag aqbayli ur nessin ara tutlayt-is ur tt-yesseqdac ara mačči d aggag d “afeggag”.

    tresskečč s timad-ik d aggag, yerna d tidet,

    Répondre à ce commentaire

  • Awal n iminigen i tesdawit unebdu n MAK 27 juillet 2010 00:51, par Arezqi Ayemmel
            

    Azul   a Dda Akli, azul akk ay imdukkal d temdukkal !

    Izen-ik dayen yesferḥen nezzeh tawacult n timanit n tmurt n Yiqbayliyen imi kečč a Dda Akli d yiwen i yettuqaḍaren aṭas s ɣur iɛeggalen n MAK. Awal-ik d win id yusan ɣef ul imi ula d kečč, ɣas akken ur telliḍ ara gar-aneɣ, teḥsiḍ s tugnatin i deg ttidiren imeɣnasen n MAK ama di tseddawit neɣ di tudert n yal ass. Ihi aya d ayen iɣ-iḥuzan deg ul.

    Aḥuddu aḥunnu fell-ak ay azeddgan n tikti,

    alqayan n tmuɣli,

    aziḍan n yimi,

    lbaz bu timmi...

    aya ikečč a Dda Akli !

    Répondre à ce commentaire

  • Awal n iminigen i tesdawit unebdu n MAK 29 juillet 2010 20:12, par Tazwawt
            

    Azul   fell-awen

    Tanemmirt a Dda Akli γef umagrad -agi-inek, yettara-d rruḥ, yeskanay tafat i wid mi truḥ. A d-iniγ tanemmirt daγen i wid yukan di tesdawit unebdu n umussu   n timanit ladγa i wid d-yemmeslayen s teqbaylit imi umnen yes-s. Tajmilt akk i wid iqedcen γef teqbaylit s teqbaylit.

    Répondre à ce commentaire