Navigation - link to other main sections from here

Skip Navigation

FR
  • Marche du 20 Avril 2012 à Tizi-Ouzou
  • Le Président du MAK se recueille à (...)
  • Le MAK-Suisse présent au Forum (...)
  • La priorité politique absolue est le (...)
  • L’Europe et les « printemps arabes (...)
  • Une formation sur la CPI
  • Abdelkader Merbah à Tizi-Ouzou : « (...)
  • Le 20 Avril 1980 (Images & (...)
  • Moussa Touati à Tizi-Ouzou : « Les (...)
  • Abderrahmane Bouguermouh à propos du (...)
  • vaste manipulation des résultats qui (...)
  • "Le MNLA est la seule autorité (...)
  • Mustapha Mazouzi(ANR) à la maison de (...)
  • Marche du MAK du 20 Avril 2011 à (...)
  • Deux étudiants poignardés
  • Cevital : la grève de la faim se (...)
  • Les ressources humaines, une garantie
  • Rencontre avec l’écrivain Zira Ath (...)
  • Droit de réponse du MNLA à El Watan
  • 3/9 - Conférence de Mr Ferhat Mehenni à
  • La Kabylie est décidée d’en découdre (...)
  • Opération de distribution de sièges (...)
  • Nina Wallet Intalou, la pasionaria (...)
  • Boycott et sanctions économiques
  • Félicitations de l’Anavad à M. François
  • Zimu en concert à Paris
  • NORDINE AÏT HAMOUDA ÉCRIT À AHMED (...)
  • Kabylie, législatives du 10 Mai (...)
  • Les Kabyles ; Un Peuple Doit-il (...)
  • Communiqué sur la Situation des (...)
  • Tafsut 2012 di Tizi
  • Le chanteur Kabyle Amirouche appelle au
  • Abderrahmane Bouguermouh a Euronews
  • Interview exclusive de Boualeme (...)
  • La Fraude transparente, le MAK (...)
  • Débat contradictoire MAK_RCD_FFS sur (...)
  • Après les négociations et la campagne (...)
  • Que nous réservent les législatives (...)
  • La montée du Front national inquiète (...)
  • Lettre d’un jeune kabyle au premier (...)
  • La revanche des peuples sur l’Histoire
  • Illoula-Oumalou : les lycéens rendent
  • Le chanteur Kabyle TAKFARINAS (...)
  • Pour M. Amar Bouacha "Dieu ne parle (...)
  • Tous en enfer !
  • Compte-rendu de la visite diplomatique
  • François Hollande devance Nicolas (...)
  • Lila Hadj Arab réapprend à agiter le (...)
  • La Kabylie était présente aux célébration
  • Conférence Boualem Sansal, partie 2 (...)
  • Les législatives algériennes seront-elles
  • "L’Autonomie de la Kabylie est une (...)
  • Rassemblement du 22 avril à Montréal
  • Glissement de terrain à Illilten : (...)
EN
  • ENDING A HISTORICAL MISUNDERSTANDING
  • Open letter of the Provisional (...)
  • Letter for Obama from an American-Amazig
  • Letter to Hillary Rodham Clinton, (...)
  • Protests spread to several villages (...)
DE
  • Deutsch-Kabylische Freundschaft
  • Berberfrühling 2012 in Marokko
  • Berberfrühling : Vortrag von Dr (...)
  • Anerkennung des Landes Azawad
  • Was bleibt vom Berberfrühling ? (...)
  • Berberfrühling 2012 in München
  • "Arabellion" am Abgrund
  • Boualem Sansal sinniert über (...)
  • Stell dir vor es ist Krieg und (...)

Edition fr
TITRES :

Anda i d-tessaweḍ tikti n Tedsimant (Timanit) ass-a ?!

10/04/2010 - 22:09 mis a jour le 10/04/2010 - 23:49 par Amyaru

        

Di tefsut taberkant, deg 2001, adabu yesseɣli acḥal d tamegreṭ seg Yeqbayliyen. “Izzayriyen” nniḍen kra ssusmen, ur ten-id-yuli wawal, kra nniḍen nnan “Ccah deg-sen”. Maca   ɣef temsalt n “watmaten-nsen” ifalisṭiniyen bedden-d yakk am yiwen ɣer tama-nsen. Iqbayliyen “uwdayen  ”, “iḥerkiyen”, “iεdawen n Rebbi”, anef-asen ad negren. Yettuɣaḍ lḥal mi ara iwali yiwen ayen akk iɣef yefka tudert-is yewwi-t ubeḥri. Tamurt n Yeqbayliyen tefka-d ilmeẓyen-is d asfel ilmend n timunnent   n Lezzayer (900 000 seg 1 500 00 n yimeɣrasen n tegrawla   n 54 akken d-yeqqar uɣlif n yigrawliwen), syinakkin tefka-d arraw n yimeɣrasen-a d asfel ilmend n tugdut   n tmurt i d-ḥellan baba-tsen, taggara i d-terbeḥ ala rregmat d tsusmi mgal   tamḥeqranit i d-sersen fell-as at udabu, wid ur yenεettaben ara ɣef Lezzayer. Dɣa, azgen ameqqran seg wat udabu-a llan deg berra asmi yeṭṭerḍiq ukarṭuc. Ayen immeyyel wezger, d aɣyul i t-iεelfen.

Tiyita qerriḥen i tečča Tmurt n Yeqbayliyen deg 2001-nni, lemmer teḍra-d deg kra n tmurt nniḍen, tili arraw-is uzzlen s tɣawalt ɣer trefdawt n sslaḥ, wer tuzzya tunnḍa, i wakken ttar ad sen-d-yuɣal, yerna medden yakk ad sen-fken azref, yiwen ur ten-yesseḍlam. Wissen kan d acu n leεqel i d-yersen ɣef Yeqbayliyen, almi ur d-kkiren ara s ibeckiḍen-nsen. Lḥaṣun ur ddimen ara sslaḥ, maca kkren-d s tikti n tedsimant neɣ timanit akken i s-isemma umussu   n MAK. Ulayɣer adebbuz d yidammen, mi ara abrid n talwit yezmer ad yessuffeɣ.

Tikti tlul-d, llan wid i tt-id-yemmugren s wul, llan wid i tt-yekkukran, uggaden mačči d abrid yessufuɣen, akken llan daɣen wid iɣef ur teffiɣ ara, imi uggaden ɣef sεaya-nsen neɣ amkan-nsen. Maca wid i d-yessekren tikti-a tamaynut deg wannar asertan   aqbayli gemnen ɣef waya, ẓran belli tikti i wakken ad tessaɣ deg Tmurt, i wakken ad s-d-gren iɣallen yemdanen, yessefk-as akud. Tura εeddan 09 iseggasen, wissen anda i yewweḍ umussu n MAK d tifrat i d-yessumer ?!

Ass-a, aṭas n temsal i ibeddlen deg tsertit taqbaylit : Ass-a, Iqbayliyen, ɣas mačči yakk maca aṭas deg-sen, ẓran aziɣen ula d nutni d AΓREF. Tutlayt-nsen aziɣen d TAQBAYLIT mačči d tamaziɣt. Γur-sen tamurt d TAMURT N YEQBAYLIYEN. Ass-a, Tamurt n Yeqbayliyen ɣur-s ula d tasertit tagraɣlant. Ula ɣer ONU tewweḍ, yerna temmeslay-d s teqbaylit, ɣas ma drus kan. Ass-a, taqbaylit uɣalen ttarun-tt ula d ikabaren deg ulɣuyen-nsen. Aya yakk d amennuɣ n MAK i t-id-iḥettmen, yerna deg drus kan n wakud, deg 09 iseggasen kan. Mazal lxir ar zdat !!

I kuwi (kunemti) d acu i tennam(t) ?

Sɣur Amyaru

Version imprimable de cet article Version imprimable | envoyer l'article par mail envoyer par mail | Enregistrer au format PDF

P.-S.

JPEG - 15.6 ko
Aḍar n wegrud i d-yettekkan ɣef uεebbuḍ n yemma-s

Commenter cet article

28 Messages de forum


  • Anda i d-tessaweḍ tikti n Tedsimant (Timanit) ass-a ?! 11 avril 2010 01:06, par muyyud
            

    azul  , nezmer an‑ẓer di Internet anda yura d akken aɣlif n yegrawliwen yenna‑d d akken 900 000 seg 1 500 000 n yimeɣrasen n tegrawla   n 54 d iqbayliyen ? Ɛǧeb ma yella yenna‑d aya s tidett !!!

    Répondre à ce commentaire

  • Anda i d-tessaweḍ tikti n Tedsimant (Timanit) ass-a ?! 11 avril 2010 13:14, par Sɛid
            

    Anwa-k ay amyaru-agi ?

    Répondre à ce commentaire

  • Anda i d-tessaweḍ tikti n Tedsimant (Timanit) ass-a ?! 11 avril 2010 14:04, par Smaεil Uxxam Baci
            

    Tanemmirt ay Amyaru ɣef umagrad-a. Maca   wissen ma d aya kan i d-iḥella umussu   n MAK, neɣ yella wayen nniḍen ?!

    Répondre à ce commentaire

  • Anda i d-tessaweḍ tikti n Tedsimant (Timanit) ass-a ?! 11 avril 2010 14:14, par Aẓerriw
            

    Tamuɣli-w af Umusu n Timanit n Tmurt n Yeqbayliyen(MAK), d win yenḥafen af ayen yaɛnan taqbaylit, aqbayli, ama af izarfan, tutlayt taqbaylit, aɣref   aqbayli, tilleli n wemdan aqbayli. Yal aggur iɛeddan win i-d-yetteddun igelhan, imi aṭas n (te)yeqbayliyen(yin) i-d-yukin s yeḍes, wallan bli nettewḥeqqar deg wexxam-nneɣ. Yal (t)aqbayli(lit) yesɛa AMḌIQ-is, AWAL-is deg Umusu n Timanit n Tmurt n Yeqbayliyen. Tanemmirt-nwen.

    Répondre à ce commentaire

  • Anda i d-tessaweḍ tikti n Tedsimant (Timanit) ass-a ?! 11 avril 2010 15:52, par muḥend
            

    azul  , mačči d yiwet n tyita i d-yeṭṭerḍqen deg-nneγ, neččur d cwami, neččur d niyya, ulac akk acu ara d-yasen deg wid yebγan ad γbun amezruy  -nneγ, adabu iga-yasen angam, nekkni neqqar ahat a tt-id-awin, maca  , ur d-banen, ur d-ḍhiren s tsertit ara yekksen azaglu fell-aγ, am akka d-yeḍher umussu   n tedsimant,

    tanemmirt ay Amyaru, γef wesmekti-a n tefsut taberkant n 2001

    azul a Sεid, d tidet, anwa amyaru ? ahat maḍi d M.W, acku   yeẓwer,

    tamawt : "kunwi", mačči "kuwi"

    Répondre à ce commentaire

  • Anda i d-tessaweḍ tikti n Tedsimant (Timanit) ass-a ?! 11 avril 2010 17:29, par winn n’da
            

    ghef temsalt aggi n timanit i tmurt n’yeqvailiten,llan watmaten nnegh itt yugin,cewi kkan macci attas,maena llan kra,yal wa acu elfaydda yesea di ledzair u bazar n’wassa.u.maena ur ilaq ara fellasen add kkren mgal   atmaten n’sen itt yrvghan,ilaq asen addefkken afus el emeawna,wid i qedcen ghef timanit as a,macci iwakken ad ttefen imeddqan azekka di timanit,qeddcen iwakken ad ekksen azaglu udavu adzairi ghef weghref n’sen.atan ghef acu ilaq i yal aqvaili ad ihus i yiman-is taenat temsalt. afus deg ufus,timanit agh tifsus.

    Répondre à ce commentaire

  • Anda i d-tessaweḍ tikti n Tedsimant (Timanit) ass-a ?! 11 avril 2010 19:50, par aselmad
            

    azul   fell-awen, di tazwara ayyer aka tefrem ismawen nwen ay imyura d tugdi ney d lehya ? i wid iqublen rsas s yedmaren yef teqbaylit nsen yak macci d tiselbi ? d acu nerbeh ara d-yasen seg aqbayli, ittagan gmas ad yeyli. yak d nutni i izguren yer bettu ? di tmurt iqbayliyen ur yelli wayen isefrahen, ala idurar regmen-d s ddnub nsen !

    Répondre à ce commentaire

    • @ Aselmad 12 avril 2010 16:23, par Amyaru
              

      D acu i tebɣiḍ ad t-id-tiniḍ ay Aselmad ?!! Ur k-teεjib ara tikti n Tedsimant ?!! Ma yella ih, ini-aɣ-d amek ? D acu n tifrat nniḍen i tzemreḍ ad ɣ-d-tefkeḍ ? Tanemmirt.

      Gm : Nekk ffreɣ isem-iw, rriɣ-t d Amyaru kan, kra s leḥya kra s tugdi kra nniḍen s ustehzi..mst   I kečč ayen εni i teffreḍ isem-ik, yuɣal d Aselmad. Ma yella ulac aɣilif, tzemreḍ ad ɣ-d-tiniḍ d acu i tesselmadeḍ ?!

      Ar tayeḍ

      Répondre à ce commentaire

      • Aselmad 12 avril 2010 21:23, par aselmad
                

        azul  , yef akken twaliy tikti n timanit tuggi a tekcem aqerru n iqbayliyen, acku   Ferhat d netta i izwaren yenya amussu   m.c.b yesdukkulen iqbayliyen... nekni s iqbayliyen nezga d ihsaden, aqbayli yettwanyan s ufus n uqbayli am netta. laman win-tt waman yer iqbayliyen... amezruy   islemd-ay timsirin  , awal tezwared-d deg-s ; tefred isem-ik acku tugadet ayetma-k iqbayliyen ?! di tilawt   d aselmad n tmaziyt, maca   selmadey tutlat tabranit, anect-a ur yehbis ara amennuy-w yef teqbaylit-iw. tutlayt akken tebyu tili d ayrum.

        Répondre à ce commentaire

        • Aselmad 13 avril 2010 14:22, par muḥend
                  

          azul  , anda tettedduḍ ay aḍar ? ttedduγ γer uẓar, tikti n tedsimant d ayen ara d-yawin abaγur i Yeqbayliyen, γef waya, adabu iban netta ad yezwir s lehdur n tkerkas, i wakken ad icemmet, ad ireẓ, imi yedεen akka i yetteg,

          Répondre à ce commentaire

          • Aselmad 13 avril 2010 15:23, par Amyaru
                    

            D tidet a Muḥend.. Adabu imi yeẓra deg Yeqbayliyen beddun zeddin s lqedd-nsen, atan yebda yesnulfay-asen-d tikerkas i yergazen, i wakken ad ten-yessekreh i Yiqbayliyen, i wakken ad isumm ayen i d-yegran deg-sen d afud. Ass-a yuɣal iḥemmel TamaziRt, yesnulfa-d tilivizyu "taεrabt tis-rebεa", yettεawan s yidrimen-is idles   amaziR.. lḥaṣun "yebɣa" ad yuɣal d amdan n lεali.. Netta am tmess s ddaw walim. Dacu kan, mazal llan wid i t-yettamnen, ur ẓriɣ ma s ṭṭmeε neɣ s nniya..

            Répondre à ce commentaire

      • @ Aselmad 12 avril 2010 22:25, par Amyaru
                

        Ur ẓriɣ ara ma yella tekti n tedsimant ur tekcim ara s allaɣ-ik acku   d Ferḥat i ileḥḥun ɣef lmendad-is neɣ d tikti s timmad-is ur k-yeččuren ara tiṭ. Ini-aɣ-d i wakken ad nẓer ɣef wacu i nettmeslay.

        Ma d beṭṭu d lexdeε i d-yettilin ger Yeqbayliyen, atan ad k-iniɣ aya mačči ɣer Yeqbayliyen kan i yella. Yella ɣer yiɣerfan   n umaḍal   yakk. Ddem-d tamurt i k-yehwan, ɣerr amezruy  -is, ad twaliḍ belli aṭṭan-a yella ula ɣer-sent. Ihi fiḥel aseḍlem deg-neɣ kan. Muqel ɣer wid i ileḥḥun daɣen s tezdeg..

        Tenniḍ-d Ferḥat yenɣa MCB i ɣ-yesdukkulen. Tzemreḍ ad ɣ-d-tesfehmeḍ amek ?!

        Répondre à ce commentaire

        • @ Aselmad 14 avril 2010 20:19, par aselmad
                  

          azul  , asmi d-lulen ikabaren, ferhat yestenya (la declaration) i d-yeqqaren d akken ur d-yeqqim wemdiq i (m.c.b)

          Répondre à ce commentaire

          • @ Aselmad 14 avril 2010 21:30, par Amyaru
                    

            Azul   ay Aselmad. Waqila mačči daya kan i k-d-fkiɣ d asteqsi ?!!

            Ma d tamsalt n ulɣu ideg yestenya Ferḥat, ur tt-ssineɣ ara. Maca  , aya d tasertit, deg tallit-nni ahat ɣilen-as belli amennuɣ n MCB ad t-kemmlen ikubar. Yerna ad k-iniɣ amennuɣ n MCB d akellex, acku   ayen iɣef yettnaɣ ulac-it. Yettnaɣ ɣef Tmaziɣt, nettat tamaziɣt ulac-itt, i yellan d Taqbaylit, d Tacawit, Tamacaɣt, Tumẓabt..atg. Yerna deg wakken, seld   ulɣu-a iɣef tettmeslayeḍ MCB mazal yella, yettkemmil amennuɣ-is, ɣas yebḍa. Tecfiḍ ɣef usendad   i iga uɣerbaz aqbayli deg 1994/1995 ? Aya d MCB i t-igan, yerna d Ferḥat i yellan deffir-s, ɣas akken yettwaxdeε deg taggara. D ta i d tasertit, ya ad k-tt-ḥcun neɣ ad sen-teḥcuḍ. Tikkelt-nni tettuneḥca-yas i Ferḥat. Yečča tiyita qerriḥen iɣef ara yecfu. Ihi, mačči d Ferḥat i yenɣan MCB, i t-yenɣan d Iqbayliyen yakk.

            Tura ad d-nuɣal ɣer usteqsi-inu ɣef Timanit. Nniɣ-ak : Ur ẓriɣ ara ma yella tekti n tedsimant ur tekcim ara s allaɣ-ik acku Acku Parce que d Ferḥat i ileḥḥun ɣef lmendad-is neɣ d tikti s timmad-is ur k-yeččuren ara tiṭ. Ini-aɣ-d i wakken ad nẓer ɣef wacu i nettmeslay ?!!

            Répondre à ce commentaire

            • @ Aselmad 15 avril 2010 13:57, par muḥend
                      

              azul  , nekk akken walaγ, siwa adabu i yezgan yettmeni taruẓi n tdukli-nneγ, yerẓa : M.C.B, LAΣRAC, ula d ikubar γef i llan Yeqbayliyen, F.F.S, R.C.D, ur sen-icuḥ ara, iga-yasen-id isuḍaf  , yerra-ten selqafen kan, ur mmuten ur ddiren, armi iselwayen-nsen i sin, a ma d Dda Lḥusin, neγ d Saεdi, nnan-d ulac ara nerju deg wid yenγan Σebban, yezenzen Amiruc i Fransa, rrnan fren iγsan-is di lkazirna n Bab -Jdid, i sin gezmen asirem deg uwanek   anazi, yeṭṭurqin γef wegdud   di 2001 yenγa 128, iεeggeb 1300 nniḍen, rrnan ḥekkfen tamurt n Yeqbayliyen,asurdi yellan a t-rren ar wanda nniḍen, am akken i d-yenna Saεdi,yenna-d yiwet n tuddsa tagraγlant tebγa a d-tefk amelyar n dollar i twilayt n Tizi-wezzu i wakken a d-tuγal tezdeg-nni deg tella zik, maca   adabu yugi-yasen, dγa qqimen ttuwḥebsen. Ahat tikkelt-a, dayen nuki s wayen ixeddem udabu. Aṭas i yefkan tudert-nsen, εerḍen i wakken ad kksen tamuḥeqranit, i wakken a d-rren leqder i γ-yettwakksen, γas ulama ur nessaweḍ ara zik, tura s umennuγ-a n tedsimant i tmurt n Yeqbayliyen, akken walaγ d abrid aneggaru ara γ-id-yessuffγen seddaw uḍar ucengu i yebγan nnger-nneγ, ad nenced akk iselmaden ar ubrid-a, imi iselmaden zemren ad sslemden akk agdud s tektiwin ara d-yerren tudert yelhan di tmurt.

              Répondre à ce commentaire

              • Tanemmirt a Muḥend 15 avril 2010 16:15, par Amyaru
                        

                Igerrez wayen d-tenniḍ a Muḥend. Sarameɣ kan Iqbayliyen ad dduklen ɣef usenfar   n tedsimant i wakken ad nekkes azugli ɣef tuyat-nneɣ. S tdukli-nneɣ kan ara nessiweḍ ɣer waya.

                Répondre à ce commentaire

                • Tanemmirt a Muḥend 15 avril 2010 20:07, par aselmad
                          

                  Azul   , macci d Ferhat i d ugur, d agdud   aqbeyli i yugin timanit. awal tennid. d lqibayliyen i yerzan amussu   !

                  Répondre à ce commentaire

                  • ay aselmad aggad Rebbi..mst 15 avril 2010 22:50, par Amyaru
                            

                    Ay aselmad, εni tgiḍ kra n usundaj ɣef waya ? Amek i d-tufiḍ belli aɣref   aqbayli yugi timanit ?! Ma yella s tidet yugi timanit, anwa asenfar   i s-yehwan ? D acu i yebɣa Weqbayli ?!!

                    Répondre à ce commentaire

                    • ay aselmad aggad Rebbi..mst 16 avril 2010 12:31, par Sɛid
                              

                      I nekk ay Amyaru d acu d ak-xedmeγ ? Yak ur d-nniγ la zzant wala rγant, riγ kan ad ẓreγ anwa-k. Ahat sεiγ d acu ara d-nniγ neγ ara d-rnuγ deg wawal-ik, maca  , ma ur ẓriγ ara xerṣun d wanwa i yettmeslayeγ, ad ṭṭfeγ kan imi-w. Sεid Tamawt : Azul   a dda Muḥ !

                      Répondre à ce commentaire

                      • ay aselmad aggad Rebbi..mst 16 avril 2010 14:42, par muḥend
                                

                        azul   a Sεid, tikti-ya n tedsimant, tezzuzreḍ-tt yakan deg usiddi-nni-inek, ahat maḍi d tin i d-yegren imγi ass-a, deg wallaγ n Yeqbayliyen i s-yeslan, xersum ammer kan i d-teniḍ deg weskasi  -agi, zzant neγ rγant, meqqar aselmad ad iẓer teγs-it ula d netta tedsimant n tmurt n Yeqbayliyen.

                        tamawt : ismawen-a iquḍiḍen, ala mmi-s-n-Wemsed i ten-iεeqlen

                        Répondre à ce commentaire

                      • @Sεid 16 avril 2010 16:59, par Amyaru
                                

                        A Sεid, xas rriɣ-d yakan ɣef usteqsi-agi yakan i uselmad.. ad d-εiwdeɣ ayen d-nniɣ yakan : ffreɣ isem-iw acku   deg-s ssetḥaɣ, deg-s uggadeɣ (aṭas n tamiwin i kkukraɣ). Lḥaṣun, isem-iw ur yesεi azal meqqren annect i t-yesεa usentel iɣef nettmeslay akka tura. D tikti i d-yewwi ad nesqerḍec fell-as mačči d isem. isem ur yecqi ur yeεni..

                        Répondre à ce commentaire

                        • @Sεid 16 avril 2010 17:32, par Sɛid
                                  

                          D tidet meqqer wazal n usentel iγef nettmeslay yerna win ara d-yinin kra mgal   aya, a d-iniγ yecceḍ. Ma d tugdi, ur tukireḍ, ur tenγiḍ akken qqaren, wehmeγ d acu ara tagadeḍ, ladγa imi tumneḍ s wayen iγef tettmeslayeḍ. Nekk daγen yettnadin ad iẓer anwa ara yemmeslay, γur-i azref. Ngum  (uqbel) ad zerεeγ timẓin, yessefk ad ẓreγ amek iga wakal. Tidet kan, nekk mačči γed tedsimant i riγ a d-iniγ kra, acku   yal win i d iyi-yessnen yeẓra riγ tadsimant, win ur d iyi-nessin ara atan ihi yezmer ad iẓer tura. Yerna ass-a tessutureḍ tadsimant, sellazekka wissen amek ara tuγaleḍ neγ uhu ? Ala lizambissil ur nettbeddil ara rray-nsen i yenna ahat Carl Du Gull deg wawal-is ? Anwa i yeẓran !!! Nekk riγ a d-iniγ kra γef tmuγliwin-ik(ayen d wamek d-tenniḍ kra n temsal), maca  , ma ur ẓriγ ara anwa-k, uḥeqq jeddi-s Amsed d kra yessefsed ur d-nniγ acemma. Ahat ttifxir-ak akka ? Tanemmirt ay Amyaru, ssuref-iyi kečč a dda Muḥ, ma ulac d acu d-nniγ !

                          Répondre à ce commentaire

                          • @Sεid 16 avril 2010 19:16, par Amyaru
                                    

                            A Sεid, ɣef tugdi d usedḥi-inu, d tidet ur ukireɣ, ur xdiεeɣ, ur nɣiɣ, maca   i yeẓran ala win yewwten d wi ttwawten.

                            Tura kečč d azref-ik daɣen ad tessusmeḍ, ur d-teqqareḍ ara tikta-k i win ur tessineḍ.

                            Yenna-yas winna "wa meεḍur, wa d lḥeqq-is"

                            Répondre à ce commentaire

                            • @Sεid 17 avril 2010 16:48, par muḥend
                                      

                              win qsen izerman, yettuggad iseγwan, d tidet, imcumen-a,ma yella win d-gren ger wallen-nsen, ar tura mazal ulac wara sen-yinin acimi, γef waya i nra ad tili tedsimant n tmurt n Yeqbayliyen, i wakken ad nesεu tuddsa ara γ-iḥudden,

                              Répondre à ce commentaire

  • Anda i d-tessaweḍ tikti n Tedsimant (Timanit) ass-a ?! 25 avril 2010 21:59, par kader.d
            

    azul   amyaru.

    tanemirt-ik &ef umagrad-a yelha.

    Répondre à ce commentaire